Kancelarja gjermane, Angela Merkel, pritet të zhvillojë një vizitë zyrtare në Tiranë, në 15 qershor, për të hapur një kapitull të ri sa i takon marrëdhënieve mes dy vendeve. Si asnjëherë më parë, Gjermania, superfuqia e Evropës dhe një ndër shtetet më të zhvilluara në planet, ka kthyer sytë nga Shqipëria. Vizita historike e Merkel do të zhvillohet pak ditë pas vizitës së Presidentit të Turqisë, Rexhep Taip Erdogan, i cili ka mbërritur sot në Tiranë. Duket sikur ka një rivalitet mes gjermanëve dhe turqve për rolin në Tiranë. Si gjermanët, ashtu edhe turqit, janë prezentë me investime të fuqishme dhe sipërmarrës në Shqipëri. Futja e Shqipërisë në llogaritë e tyre të madha, duket se ka “detyruar” kancelaren gjermane, Angela Merkel dhe Presidentin turk Rexhep Taip Erdogan të vizitojnë Tiranën brenda muajit.
Njoftimi për këtë vizitë u dha nga vetë kancelarja gjermane, pas takimit të parë zyrtar që pati me kryeministrin Rama në muajin prill. “Nuk duhet të keni frikë, se nuk do të jepet statusi i kandidatit, por vetëm raportet duhet ta bëjnë të mundur që t’ua japim. Ne folëm për këtë punë shumë hapur. Ndërsa sa i përket Shqipërisë, ajo deklaroi se duhet të ketë reforma të gjëra me qëllim që të krijohen kushtet e nevojshme. “Ne kemi folur në mënyrë shumë të hapur dhe në mënyrë intensive për zhvillimet që kemi para vetes. Ne jemi të mendimit se të gjitha vendet e Ballkanit Perëndimor, perspektiva evropiane është e nevojshme për një zhvillim të mbarë të të gjithë rajonit, edhe për Shqipërinë”, tha ajo. Nga ana tjetër kryeministri Rama premtoi zhvillim të reformave.
Смотреть в источнике
Один Ответ
o shqiptar hiquni turqve se ne rrenjet i kemi ne europ gjermanet jane mbreterit e europes hiquni gabelve te turqise,,se vetem sherrin ju kemi pare per 500 vjet kthnje koken nga perendimi se ketu i kemi vellezerit tane qe i krijume vet,